頌讚詩集 第九十六首

頌讚詩集 第九十六首 泰戈爾

台譯：

對今以後，我離開；我共這寡話留予恁：就是我所見著兮是不可思議。
我已經啖著隱密起來兮芳蜜；佇光明海中，蓮花成長，湠開：芳蜜就藏佇彼內面——所以講，我真有福氣——我共這寡話留予恁。
無數兮形象徛佇台頂，我嘛已經得著我家己兮戲棚。佇遮，我見著無形象兮彼位；一目瞬久我看著伊。
我兮肢體，我規身軀歡喜振動；因為伊家己磕我，用伊兮手認捌我。假使滅亡就欲來共我導走，無要緊；我嘛無需要反抗伊——我共這寡話留予恁。
 

台灣國語譯：

從今以後，我離開；我把這些話留給你們：就是我所見到的是不可思議。
我已經嚐到隱密起來的香蜜；在光明海中，蓮花成長，蔓延：香蜜就藏在那裡面——所以說，我真有福氣——我把這些話留給你們。
無數的形象站在台上，我也已經得到我自己的戲棚。在這裡，我見到無形象的那一位；一眨眼間我看到他。
我的肢體，我全身開心顫動；因為他自己碰我，用他的手認識我。假使滅亡就要來把我帶走，不要緊；我也不需要反抗他——我把這些話留給你們。

何西亞書14章（翻譯）

何西亞書14章
對「現代中文譯本」以及「巴克禮譯本」翻譯，遵趁教育部台語漢字書寫。

1.以色列矣，你因為你的罪跋倒；你著倒轉來歸佇上主，你的上帝。
2.您著愛倒轉來上主遮，對伊講：「求你赦免阮攏總的罪，因為你的恩典來接納阮。阮就用喙唇頌讚你，來代替獻牛犅行禮。
3.亞述人無法度共阮救；阮嘛無法度靠馬來得著安全。阮永遠袂閣對偶像講：『你是阮的上帝。』上主矣，阮知影你會對孤兒施恩。」
4.上主講：
我的子民因為背叛受傷，我欲醫好怹，
專心一意疼惜怹；
我無愛閣對怹發性。
5.以色列若焦燥，我是露水。
我欲予怹親像百合花開花，
親像利巴嫩的大樹伸根到地下。
6.怹欲出新枝，
親像橄欖樹仝款嫷；
怹欲衝出（tsheng3-tshut4）芳味，
親像利巴嫩的香柏樹。
7.我會閣一遍保護怹。
怹欲親像翻青的五穀，
親像開花的葡萄園。
怹欲親像利巴嫩的好酒。
8.以色列人欲佮偶像斷絕關聯；
我欲共怹應答，閣欲照顧怹。
我欲親像青翠的松樹共怹致蔭；
我欲做怹一切福氣的源頭。
9. 希望聰明的人、有智慧的人攏有了解這本冊的內容；希望怹囥佇心內。上主的路途正直；義人的跤步安穩，罪人卻因為看輕這个路，致到跋倒。

暴風雨 第三幕-第二景節錄

暴風雨 第三幕-第二景節錄

CALIBAN

Be not afeard; the isle is full of noises,

Sounds and sweet airs, that give delight and hurt not.

Sometimes a thousand twangling instruments

Will hum about mine ears, and sometime voices

That, if I then had wak’d after long sleep,

Will make me sleep again: and then, in dreaming,

The clouds methought would open and show riches

Ready to drop upon me that, when I wak’d,

I cried to dream again.




卡力班：（楊牧譯文）

　

不用害怕，這島上到處都是聲音，

樂曲，和甜美的歌，愉悅而不傷人。

有時候我聽見一千種樂器琤瑽

在耳朵旁邊作響，有時是

各種詠嘆卻於我剛從長夢醒來當

下又將我催眠入睡，然後，夢中

恍惚覺得雲層打開了，對我顯示豐美

瑰麗隨時將墜落我的身體，使我——

每當覺醒——都哭著想回到夢裡。




卡理斑：（李魁賢譯文）




免驚，這島上攏是聲音，

音樂，好聽的旋律，聽著爽快，袂傷人，

有當時千種樂器相爭佇

我耳空邊彈；有當時我睏誠久，

拄才清醒，聲音閣予我

聽到睏去，佇眠夢中

叫是天雲拍開，財寶

落下我身軀，予我每遍若清醒，

就閣哭轉去眠夢中。

論到良知和原罪

信仰基督教的蘇格拉底：雖然時機不好，我卻無辦法忍耐，只好把我的心裡話說出來。

小王：這樣對嗎？我知道你這個人愛跟人辯，但是你也該看日子，今天是約翰的大喜之日。
新郎：不要緊，就讓蘇格拉底說啦！我和他認識很久，雖然他不時被人誤解，看起來愛現，但其實是一個老實人；看起來都沒有自己的意見，只反駁別人，其實信仰很堅定；看起來是喜歡耍嘴皮子，其實在追求真理。你們就說吧！我保證你們所說的內容會讓我們的婚宴加添光彩。新上任的老婆，你怎麼看？

新娘：我沒意見。

小王：好啦！今天最偉大的人都這樣說了，蘇格拉底，我就和你辯。我知道，是上次我說「基督教」是一個「恐怖意識」的宗教，你聽了記恨在心裡。但是我那時沒時間，無辦法好好說。現在有了。

蘇格拉底：願聞其詳。

小王：聖人所傳給我們的道理是這樣；其實這個道理不是聖人傳的，是每一個人生來就有，「斯人千古不磨心」。但是這個每一個人都有，在心裡不會磨去的東西是什麼呢？我們稱他作「良知」。這個良知就是凡是人遇到事情，他心裡自然會知道怎麼做才是對的。如果這樣既然人們都有良知，為什麼還有人去作惡呢？因為他不聽自己良知的聲音。他這次沒聽，下次不聽，慢慢的他的心就愈來愈硬，他就聽不到自己內心的聲音了。如果這樣壞人和普通人要怎麼提升自己呢？就是要誠實面對自己心裡的聲音，這就叫做「誠」，這句話就包含儒家所有的工夫。你這一刻照良知所說的去做，你這一刻是聖人；你這一刻拒絕良知的聲音，你這一刻是作惡的人。

古時候有一個大學問家提出他的看法，他說人應該用專心、致志、讀書等等方式培養出一種溫柔尊敬的心境，這樣他會愈聽愈清楚聽到他心裡良知的聲音（良知這個詞那時還沒用得這麼普遍，他們叫做「天理」）。這位先生我們尊重他，但是我們必須說他已經從儒教所說的重點跑偏去了。怎麼說呢？因為我們儒家所說的這個良知，就像聖人所說的：「如同聞到香味就喜愛，如同聞到臭味就厭惡」（如好好色，如惡惡臭），就是這樣。我們人是聞到香味，正在那時候就已經喜愛了；卻不是先聞到香味，再思考看看是不是要喜愛；良知也就像這樣。就像有一個品德高尚的老師，你的良知如果顯現，你看到他自然就尊敬了；如果反過來，你對這個人不尊重，你怎麼強逼自己靜心、或是去讀聖人留下來的書，都沒有功效，在這件事情你的良知也不會顯現。

蘇格拉底：我聽你的演說，實在學到很多。我要感謝你對我這個外國人介紹你們已經傳承很久的，你們的文化、財寶和智慧。這次該輪到我說了：請問你因為哪裡來覺得我們基督教的教導和你們的相衝突？

小王：好。既然你問我，我也該老實回答你。互相衝突的地方是這樣：第一，我們所說的「天」的德性已經在人的良知中完全顯明了，我們如果照本性中的善去做，就能夠「和自然運作的恩德相合」（與天地合其德）。但是你們基督教卻說：人的善性以外別有一個上帝；這樣他不在我們心裡，在外面；這樣我們就應該對外拜他，守他的誡命。這樣就不對了！人如果聽一個外在的上帝的聲音，卻不聽自己良知的聲音；這樣他所做的善不是自己的，只是模仿他所相信的上帝，這樣品性哪有真正的進步？我們努力是在自己的心裡，一個「誠」字就足夠了；但是你們卻求上帝，要他賜外在的知識和律法的智慧給你們，這不是大丈夫應該做的。更加糟的是，你們又相信人死了後有天國地獄，這樣你們行善也只是為了論功行賞而已，離自己的良知就更加遠了！我的結論是：信你們基督教的人，都敗壞自己的活力、心思和意志，因為你們只是去順從一個外在的（上帝）的意志，又相信一個外在的天國地獄支撐著你們的意志去行善。這樣，我說你們是「恐怖意識」的宗教，不對嗎？

蘇格拉底：我現在就有幾個問題了，可以問嗎？

小王：好，都給你問。

蘇格拉底：就剛才你說「良知是我們內在的」，這個內在和外在是什麼意思？

小王：就是良知是每一個人一定有，在他裡面無辦法分離的存在。如果沒有良知就沒有這個人，如果沒有這個人他的良知也不存在。

蘇格拉底：所以這個人和那個人的良知一樣嗎？

小王：每一個人的良知是分別屬於他自己的；但是他們的良知的本質相同，而且無論在聖人還是壞人身上，良知都不增不減。

蘇格拉底：我覺得我們可以用一個比喻來討論：這個杯子我們如果放開，他會怎麼樣？

小王：會摔下去。

蘇格拉底：這是為什麼呢？因為萬有引力在他的裡面作用著。是不是萬有引力在這個東西的內在，沒有萬有引力就沒有這個東西？

小王：對。

蘇格拉底：但是這個杯子尚未有以前，萬有引力已經存在。既然這個杯子如果有如果沒有，萬有引力都會存在；那萬有引力一定是「先在」於這個杯子。而既然一項東西「先在」於另一項東西，我們用世俗的說法來說：「萬有引力」對這個杯子來說就是「外在」的。所以，一項事是「外在的」的事實，並不影響到他也是「內在的」的事實。再來，論理來說，你所說的「良知」也是「外在」的，要不然「每一個人都有相同本質的良知」，這個事實就沒有保證。

小王：你這樣說太亂了，我不了解你的意思。

蘇格拉底：好。譬如說萬有引力是一個普遍的事實，在我們希臘人叫他作「本體」；如果他分別在不同的事發揮作用，在這件事那件事裡面作用著的萬有引力，我們把他們叫做是不同的「現象」；這個「現象」如果是一個東西天生本來就有的，並且沒辦法和所存在的這個東西分開的，我們把他叫做「自性」。

然後我所說的是：人「自性」中有良知，良知是內在的，但是他也需要外在確實有一個本體支撐他；要不然這個人和那個人的良知本質相同，但是沒有同一個原因他們就相同了；這的確是不合理。就像這樣，外在有一個上帝，又哪會和你們的教導相妨礙呢？

小王：我覺得你沒有回答到我的問題。

蘇格拉底：怎麼說？

小王：從你剛才說的，我了解你是認為：「外在內在，不相妨害」。但是，我不是指所有外在的教導和神明說的，僅僅說你們基督教！你們所教訓人的沒辦法讓人認識自己的良知。

蘇格拉底：說出你的理由。

小王：我不跟你說天國地獄的問題，因為我知道你一定會和我詭辯說：「外在確實有一個天國地獄，不妨害一個人可以在他的心裡從地獄進步到天國的事實；這兩項事情能夠共存。」我就問你說：為什麼你們教訓人說：「每一個人都有『原罪』」呢？如果真的有「原罪」，我們不應該聽得到良知的聲音；就算聽得到，我們也應該沒有能力去實行他。

但是，事實是我們每一次每一次都對自己誠實不隱瞞，我們確實會愈來愈進步；而且我們中間確實有我們心目中的聖人出現。你們如果繼續說：「人都有原罪」，是不是在指責我們都在說謊？

蘇格拉底：絕對不是！但是，「原罪」一詞是從聖經的道理來的。我如果沒有研究過，不敢回答你。」

然後蘇格拉底滑開他的手機，點開聖經，開始讀以下的經節：

「罪從一個人進入世間，死也跟進來；結果，所有的人都會死，因為所有的人都有犯罪。

還沒有律法以前，罪已經在世界；但是沒有律法，罪就不算做罪。

但是從亞當到摩西那段期間，死支配著全人類，連沒有犯亞當所犯的過失的人也會死。

亞當是就要來的那一位的預表。但是亞當的過失和上帝白白的恩賜不能比。因為，如果從一個人的罪過眾人都會死，上帝的恩典，就是他通過耶穌基督一個人白白賜給眾人的恩賜，一定更加豐富！」

蘇格拉底：我想這樣應該有回答到你的問題了。

小王：有嗎？

蘇格拉底：就像聖經所說的：「罪和死是從一個人進入世間」，因為我們的原祖有犯罪，人類才開始死亡。是為什麼呢？是因為我們的祖先犯罪，所以作他們子孫的我們都應該受死刑的判決乎？絕對不是！你如果詳細查考這段經文，就會發現教會從來未曾說過這種話。如果這樣聖經是怎麼說呢？一條源頭受汙染的溪，他的下游也是黑的；一棵樹如果受病毒感染，他所結的果子也有同樣的病毒。我們的原祖犯罪，他的身體變成會朽壞的，然後他們將這個朽壞的會死的身體傳給我們；這個道理我們教會稱作「原罪」。

小王：所以「原罪」和人的品性並沒有關係？

蘇格拉底：卻不是這樣。

小王：什麼意思？

蘇格拉底：你想看看。你如果突然知道你只剩三個月能活，是不是會心情亂遭遭，容不知不覺就迷失自己？

小王：有這個可能。

蘇格拉底：像這樣。人類的身體從不死的變成會朽壞的，這對我們的意志又會有多麼大的不良影響！

新郎：小王你是準備相信了嗎？無論你是要信不信，反正我已經信了。

小王：好啊！你們這些基督教徒仗著現在你們人多，要包圍欺負我一個。看在我們現在是在教堂裡，我應該先回去找資料，才再來跟你應答。

蘇格拉底：好啦！我也覺得我們說得長長長，差不多該將婚禮還給年輕人了。你如果有需要，我作為資料庫隨時都吃冷飯等你。







作者註解：

1.蘇格拉底所用的哲學名詞，「本體」是翻譯希臘文的「Noumenon」；「現象」是翻自「phenomenon」；「自性」是翻自「hypostasis」。

2.作者是在寫完整篇文章以後，才發覺「如好好色，如惡惡臭」不是文中所寫的那個意思；但是因為在哲學介紹上的意義沒有改變，就保持原樣。

十誡

上主十誡——用現代台語譯本作標準新譯

1.我是上主─你的神明；我捌𤆬你對做奴才的家埃及地出來。我以外，你毋通敬拜別个神明。

2.毋通為著家己雕刻偶像；嘛毋通仿做天頂、地上以及地下、水內所有的形像。毋通對彼寡偶像跪拜，因為我是上主─你的神明；我絕對袂容允別个神明佮我敵對。怨恨我的人，我一定會責罰怹佮怹的囝兒 ，直到三四代。不過疼我、遵守我命令的人，我欲用慈愛款待怹，直到千代。

3.毋通糮糝用上主 — 你的神明的名；因為糮糝用上主名的人，上主一定會共伊責罰。

4.著遵守安歇日做聖日。你有六日會當勞苦做你所有的工作；不過第七日是屬上主 — 你的神明的安歇日。這日，無論是你、你的囝兒、奴僕、女婢、精牲、以及蹛佇恁中間的僑民，所有的人攏毋通工作；因為上主佇六日內創造天、地、海、佮其中的萬物；不過第七日伊就歇睏。所以，上主賜福安息日，定這日做聖日。

5.著孝敬父母，按呢做恁就會逐項好勢，佇這个地久長徛起。

6.毋通害死人。

7.毋通姦淫。

8.毋通偷提。

9.毋通作偽證陷害人。

10.毋通貪別人的厝，嘛毋通貪別人的某、奴僕、女婢、牛、驢，以及伊一切所有的。

躊躇

你共阮安貼佇田園中，叫阮著種作阮的世界。

偌仔呢開闊，偌仔呢媠。是你拍開阮的目珠，予阮會當看著干焦看近近是袂見得的一切。毋過，你佇佗位？

我共家己關佇心內，嘛看你袂著；我欲爬（peh4）去天頂，你煞仝款無佇遐。

我想欲共你掠牢，共你隱密佇我寶貴的所在，予我安心。你，是阮性命的意義。

真濟人為著揣求你不時咧思考，真濟人已經共目標認定，好拚性命去拍拚。我疼怹，我看著怹成功嘛仝款鬥歡喜；我有看著，我有感受著怹予我性命的活力。不過煞定定感覺我嘛需要一種物件，予我佇這繼續踅踏落去的每一工，會當有掖落種子的勇氣，會當得著等待收成的向望。

予我力量，共阮的思念細膩藏佇你心中。世界就會成長大漢，一直到伊結實，圓滿。

繼續的翼

「你講，這世間豈（kam2）有公道？」
我說。在聖禮儀剛結束的教堂，平安夜，寂寞而無處可去的我自己；以及像是修女的一位大姊姊；這一切的場景都彷彿一幅畫，一個主人公得到拯救與生命的意義的完美故事。「猶毋久，」我想，「我從來攏毋是任何故事的主角。」
「少年人矣，勿（mai3）講按呢老歲仔的話。」伊笑微微對我講。她微笑著對我說：「少年人，繼續行，復（koh4）忍耐一時仔久，加油！加油！」「這句才親像老歲仔會講的話。」我喃喃的說了這句話；那時，她的眼神變了：直視、認真與清澈，「袂用得喔，哪會用對青春才拄開始的查某囡仔講這款話，」她停頓了一下，「毋通復（koh4）講這句話。」
我感覺到有生命危險，還是趕緊轉移話題為上策。「轉來咱一開始所講的：這世間既然無公道佇咧，阮做啥物才是著的？猶是阮應該用啥物款的想法去看，去觀察，才會認為其實阮已經有得著好報賞矣？」「乎，想欲偷偷轉踅話題欸，現在的少年人實在是.......莫怪這款日子煞閒閒無事誌（tai7-tsi3）做，孤單一个來教堂。」喂，我都聽到了。「無法度嘛。這是空課、空課。怎樣的少年人阮攏應該幫助（pang1-tsan7）伊，指示伊。細囝矣，你講明白，你愛怎樣的公道？」優子深呼吸了幾口氣，從「細囝矣」開始，就切換成了溫柔祥和的真·老婆婆模式。「我向望拍拚的人攏總得著報賞：人若用偌濟的氣力掖種，嘛會收割偌濟的成果。」「其實我知影：你所向望的，就是在佇人心的公道嘛？」「唅，啥物意思？」「你向望的，是人類性命真正的意義：疼。你向望付出會當公正的換來，所意愛的人的疼。」我想，竟然能把簡單的沒有人愛的隨處可見的狀況，把話題拉到人類生命的意義，真不愧是在如此熱鬧的日子，在教堂中獨自一人等待迷途羔羊的，超乎我們想像的存在。她登上講壇，比著自己所站的地方，開口說：「就佇拄才，司祭佇遮有講一个譬喻：
皆（kui1）个世間就親像一个葡萄園，疼佮仁愛，猶是阮講是人類性命的意義，就是葡萄園的園主。伊透早出去倩工人，約定一日一个銀，共怹（in1）導（tshua7）來葡萄園做工。早起時九點、中晝十二點、下晡三點佮下晡五點，伊復（koh4）出去，佮拄著的人講：『恁嘛去葡萄園做工，我會予恁公道的薪水。』怹（in1）嘛來矣。這工結束了後，你想，園主應該予怹（in1）偌濟工錢才公道？」「當然嘛是做愈久提愈濟囉。」「不過，」她抬起頭看著那個人，注視著被那個釘在十字架上的人。「彼个人，予釘十字架的彼个人共阮講，無論是先來猶是到晏到，伊逐个攏會發一箍銀。」「伊的理由是？」「伊講：『我用家己的物做我愛做的豈（kam2）袂用得？』」我正張嘴想要反駁，又沉默下來，讓她繼續講：「是啦，這就是伊。就是伊這款人會講：『著疼恁的對敵』這款無理的命令。也是這款人會接納所有的人，對最後來的到事先（tai7-sing1），對上路尾的到第一的。伊所呼召阮行的，是伊嘛仝款行過的路途。」
夜晚的教堂，更確切的說，聖誕夜的教堂也與想像相差不大，雖然我從未來過這裡。穿過熱鬧而充斥各種廣告，與面向情侶的各式優惠的街區，使我眼中原應該是神聖嚴肅的教堂，充滿了路途上所遇見的各樣笑容。
我從未想過，這條旅程的終點是一個講奇怪譬喻的修女，而且那個譬喻的結論還是：毋通目空赤，這種倯壁壁的答案。但是......我說：「喂，你叫啥物名？」「無人教過你啥物叫做禮貌嘛？無要緊，現在姊姊來溫柔教你。」「喀喀，我是講，我敢會當問你彼个受濟濟人祝福，佇阿爸的疼佮阿母的意愛內面予號的名？」
「我是『優子』（iu2-u1-khoo3），意思是『優秀，又復（iu7-koh4）溫柔的囡仔』。」

同觀福音的約翰經節：三个台語聖經比較

同觀福音的約翰經節：三个台語聖經比較

巴克禮版
當彼時耶穌應講：「爸矣，天地的主，我呵咾你，因為你將遮个事，對智慧聰明的有隱密伊，對細囝有顯明伊；
爸矣，是啦；因為你看按呢做歡喜。
萬項有對我的爸交付我，爸以外無一个捌囝；囝佮囝所愛欲指示的以外，無一个捌爸。」

紅皮聖經版
彼个時耶穌祈禱講：「父親，天地的主宰啊！我感謝你，因為你將遮个事，對有智慧佮有學問的人掩崁起來，對單純的人啟示出來。
父親啊！我實在感謝你，因為這攏是照你的好意來做的。
我的天父已經將一切攏交託我，天父以外無人真正捌囝。除了囝佮囝所欲啟示的人以外，無人真正捌天父。」

現代台語版
彼時，耶穌講：「爸矣，天地的主，我感謝你，因為你有將遮个事對有智慧有學問的人崁起來，對細漢囡仔啟示。
爸矣，是啦，因為這是你的好旨意。
我的爸已經有將一切攏交託我。爸以外無人捌囝；囝佮囝愛欲啟示的人以外嘛無人捌爸。」

寄予未來的一張批

寄予未來的一張批

我有一个厝邊阿明，伊是一个真善良的人。伊捌共我講一个故事，使我著驚，毋久煞毋是因為內容：這款代誌，佇彼个時代應該定定發生；使我著驚的理由，是這故事的終局，予我有磕著阿明的過去......
彼一工，雨滴澹規日，毋久厝邊隔壁、親情等，猶原是毋管敢有收著帖仔無，攏總緊來去赴婚宴。因為請人客的是地方有頭有面的大人物，毋但財產濟但定，一百冬來這个家族佇遮做逐款好事；而且上重要的：若成功鑽入宴席，怹嘛一定會共你請，嘛免煩惱行出會堂會予人蓋布袋。既然人遐呢好，逐家就無客氣矣，入來的人客互相爭論家己毋知有影無影的偉大，逐个攏想欲坐大位。
彼時，外省人的軍官沓沓行入會堂，四周看覓咧，眾人忽然毋敢出聲，一直到伊揀好坐位，眾人才繼續。自從中國人統治台灣以後，真濟無需要講出喙，毋知影煞閣袂使的規例變出來，親像這就是一个：「抗戰英雄」若來，參加的人客肯定攏愛讓位予伊。當然，遮講的英雄是做官的，若是一般，猶是特別散赤的外省兵丁，會親像彼一个，伊咧佮在地人相爭無愛坐第二微細的位，加添婚宴的喜氣。不過婚禮一開始以後，眾人煞攏發覺代誌大條矣；毋久攏恬恬，因為怹毋知欲按怎處理。
一个老大人真礙虐徛佇邊仔，原來伊是新郎的阿爸；因為外省軍官，坐的竟然是攢予伊的位。然後怹互相笑笑，新郎的阿爸現在才了解，原來軍官毋是毋知影，煞是刁工佇眾人面前予伊洩面子。毋久伊嘛袂當按怎，只好頭犁犁，目睭四界踅敢閣有空位無。彼時，坐上微細彼位的人雄雄徛起來，行到眾人的面頭前，對怹演講：
「恁予人請去赴婚宴的時，毋通坐大位，驚了有比你較尊貴的人客嘛來予伊請。彼時，請伊佮你彼个主人會來共你講：『請讓位予這个人客。』彼陣，你會感覺真歹勢，煞著去坐上細的位。你予人請的時，寧可去坐上細的位。按呢，請你的主人會來共你講：『朋友，請來坐大位。』彼陣，你佇仝桌的人客面前就有體面。因為提高家己的，會受降低；毋久家己屈低的，會受提高。
我實實在在共恁講：恁愛坐大位的人慘矣！你掌權，你位懸，對你來講享受榮光是一个寬闊好過的門，順利好行的路；不過彼條路透到滅亡。我閣共恁講：著對彼个狹的門入去，佇天頂會有大位攢予恁。」
講煞，彼个人行倚去老大人身邊，共老大人牽來會堂唯一賰的空位：就是拄才伊家己坐的位。然後伊攑杯佮新郎新娘敬兩杯酒，就無欲插彼个軍官，隨時行出婚禮會堂。
過無三年，伊消失矣，伊厝內到今亦無接著伊的消息。伊本族的人攏想講，雖然伊是一个溫柔和氣的人，毋久性格條直閣愛替人出頭，活甲三十偌歲嘛有夠矣。佇這款的世界。伊親像是早知影家己會無好死，生甲真緣投煞直直無欲娶某生囝，因為「佇遮个日子，有身孕的佮予嬰仔食奶的婦仁人，非常不幸」。原本伊應該嘛會親像大部份的人，沓沓仔就按呢對世間人的追念中消失。不過，聽講伊予關監了後，煞無失志，不時看顧監的人行過，其他犯人歡喜猶是鬱卒，逐款時陣攏總欲佮逐个人揣話講。其中有一个上定佮伊開講，佮伊特別好的同監，彼个同監後來講：佇彼个人予處死的彼一工，伊咧欲予導去行最後一段路途的時陣，我，有聽見一个聲音對伊講：
「你是我所疼的囝，
你，我真意愛。」
彼个同監就是阿明，伊毋但記得這个聲但定，閣有真濟其他怹捌講過的故事，怹過去捌拄著啥物、有怎樣的人生，相爭這世間的未來，敢真正咧欲有性命的光照咧抑是無；毋久，咱現在的重點是宴席。若欲將一个人的所有代誌一項項攏總記錄，所寫的冊全世界嘛貯袂了。阿明出監了後，四界宣揚伊捌佇無其他人的監牢內，聽過的一个聲對一个欲導去槍殺的人講話，毋久當然無偌濟人信。只有真少認捌阿明的人，知影伊現在是一个偌仔呢純全可靠的人，才對按呢來相信。我咧，我嘛干焦相信淡泊仔但定，也咧疑也咧信。毋久佇世間人的中間，我已經算是相信到袂顧得矣；所以，才會寫落這篇干證，通予阿明完成伊的心願。對我心內所相信的彼爿，我向望，我做這件代誌嘛通算做功勞，予阿明捌聽過的彼个聲，向耳空聽咱祈禱：
「願你的旨意實現，佇地上，親像佇天頂。」
抑是講，咱應當成做囡仔，閣較簡單的，按呢講：
「願世界和平。」 

註：除了電腦毋支援、拍袂出來的字，[in1]寫做「怹」，[tshua7]寫做「導」，其他遵趁教育部台語用字寫成。

一个同志的批信

一个同志的批信
賴和
用教育部台語用字整理版

1.
郵便！佇配達夫的喝聲裡，「卜」的一聲，一張批擲佇机上，走去提起來。
施灰殿
無錯，是我的。啥人寄來？掀過底面。
大橋市福壽町　　　許修
欸！是啥事？他毋是予關佇監牢？怎寄信出來予我？是欲創啥貨呢？拆開封緘。
………………
啊！啊！晦氣！伊按怎想到我來？「身體病到傷歹，需要一點營養補給劑，身邊無半个錢。」無錢？你無錢，我敢賰有百偌萬？有錢？我自己袂曉使？供予你？我有這義務？怎樣身體毋顧予好好？
同志？我毋是予恁笑過的落伍者，向後轉？現在怎樣？恁走錯了路呢？猶是我無認錯「戥花」？恁忠實，恁信堅，按呢，就該會堪得病，哪用食藥？更至於滋養？
恁這一班物件，實在使我禁毋得欲罵，怎樣偏欲講我生理做去好，趁錢濟。趁錢濟？敢應該欲提去予恁開駛，怎欠用就來向我提。是欠恁的嘛？這物件。
雖然是佇頭殼裡獨語咧，按呢發洩一下，心肝頭的悶氣也輕鬆了真濟。提起批，重閣看一遍。啊！伊的身軀原本軟弱，這款病的確無騙我。毋管伊啊，我哪有這氣力？不過----不過若會一下病就死去，彼都無講起矣，萬一病無死，後日出來，怎有面目好相見？但是我雖講日日見財，卻毋是收入來就是利益，欲寄寡予伊，也著濟日的粒積。
一、二、三....這幾日間，這寡數目，是當好寄去予伊矣，算算後，卻閣放進衣袋裡去，有寡捒毋得。寄去，到郵便路有點仔遠，今日腳也懶行。終究是欲寄出去的，佇袋裡濟放寡時，也算猶是自己的錢。
2.
今暗暗頓食了傷無滋味。食飯的時候，父親像是蘊積了傷久的悶氣，今晚衝開了安全瓣，帶點自傷，也含寡怒氣，向我警戒咧：「我老矣，恁的事我本可以毋管，由恁欲去怎樣，但是也欲想看覓，家己幾歲矣，閣有幾年的歲月可拍拚，替人賠的錢猶未清，又閣予人認了幾筆錢。囝也大矣，錢都袂曉得好寶惜。」我毋敢應，恬恬的任伊老大人去唸，量約食一碗，就準飽去，緊緊離開食桌。
食飽就睏，這是上幸福的事，無奈我猶未修養到像豬一款的性情。暗時七、八點鐘，除去有病以外，無論怎樣都睏袂去。聽老大人的唸茹，聽囡仔人的吵鬧，更是無意思。日時因為有工作，猶毋感到怎樣，暝時這厝內就使我安坐毋來，猶是外面好，來去，來去圍棋盤邊。
花廳空空，一个人也毋佇，烏白的棋子猶散佇棋盤上，可以想像這經過一場惡戰之後。怹一班啥所在去。醉鄉？樂園？去，我也去，一个人毋驚寂寞，有妓女的伴飲，有女給的招待，去，我也去。
紅的綠的電波蕩漾咧，緊的繁的樂聲哮喨的，酒的氳香，女人的貼粉的芳氛散漫咧，佇這境地孔子公也陶然過。毋銷魂便是憨大呆。
雨紛紛，路滑滑----
台灣流行歌，這片可以算是好的。聽了猶不至拐斷耳空毛。
我毋會唱，半題也毋會。現在學袂來。
永過！永過，現在毋流行矣。
唱予你聽？二十偌年前的毋合時。
你猶未出世？是咯，我敢也老矣嘛？哈哈！「喙鬢鬍鬍無合台」囉。
是毋是呢？
毋是按呢講？毋是？怎樣講？
哈哈！無分？毋嫌這幾撥鬚，會刺癢你紅喙唇。
阮是揣快樂的，使阮能感到快樂，就是恁的職務，所以任便我怎樣都可以？實在？
哈哈！這款我也就毋能吝嗇著tip矣。
一个人，一矸月桂冠，也有寡醺醺然矣，走出樂園，行起路來，跤覺得特別輕且快。哈哈！「毋可跋倒滿身塗」。歸到家來，摸摸衣袋，錢是無矣，有的是一張計算書。抽開抽屜，想共計算書放進去。「大橋市福壽町　許修」彼張信又映到目睭內。
啊！對不住，同志！煩你閣等幾日。
過了幾日，又想起彼个同志的批信，算一算這幾日的收入，猶可供應暫時的欠用。但是過午矣，送金驚毋辦理，等待明日，大概毋要緊。若會死已經也爛矣，新聞猶無看見發表。
請坐！大人！
今日公事較閒？
哈！寄附？欲我寄附？
敢毋是講按十偌萬欲開？也著閣募寄附。
哦，是別項的無講，自動車？
猶有別項的使用，毋限定啥物？
無理解的，就毋欲伊寄附？
哈！哈！我也是毋能理解的一个。
豈敢，是你大人過頭「呵咾」。
嗄！這款的毋能還價，按派偌濟，就欲偌濟。
按呢，就毋是寄附矣，可以用告知書來徵收。
按照阮的身份？
你大人對我的估價，估了過懸啊！
還價的也毋欲伊寄附！
按呢我的份可以莫算佇內啦。
豈敢豈敢，我永遠是癮頭。
這是全市民的負擔？也是限於保甲民的義務？
無這種區別？這款就真公平啦？
這款的實在毋應當，但是我可無公然反對的力量，也無講：「我毋寄附」的勇氣，就只有對你大人還還價，求減出偌濟。
還價的也毋欲伊寄附？這就無法度啦？
是你大人毋欲我寄附，毋是我毋寄附。哈哈！
大人欲毋客氣？我就特別著細膩。
這擺的寄附，就算做過怠金，一年也罰袂了。
哈哈！保正伯欲做公道人，彼就真好啦。
莫得半減，閣勉強四分之一？毋曉得大人肯嘛？
哈哈！保正伯的仲裁，大人毋閣異議？
欲現交，是怎樣？
別的都去了啦，錢也都交清，只有我這所在最後來？
因為我是有識階級？凡事毋若一般戇百姓，欲費時間，拍算一講就可以承諾，所以…
這項臨時支出，我無預算。
毋是故謙，實在無便。
毋能閣緩？啊！
我躊躇了一下，就共預備欲寄去予彼同志的款項移用矣。這是做國民應當盡的義務。那个同志呢？非意識的又提起彼張信來，抽出信箋：
……這張信的郵費，是罄盡了我最後的所有，我毋願就按呢死去，你若憐惜我，同情我，毋甘我按呢草草死掉，希求你寄寡錢予我，來向死神贖取我這毋可知的生命，我也曉得你困難，但是除你以外，我欲向啥物人去哀求？……
啊！同志！這是你的運命啊！

軟弱另外一頭的光

軟弱另外一頭的光

1.
矣矣，彼對閣交往矣。遐濟人密切注意的這段感情，親像天地佇挪亞方舟的保護下，歷史達到圓滿。猶毋久我猶是孤單一人。
毋......毋是噢？我，我毋是咧怨妒抑是怨嘆噢？總講一句，我嘛佮逐家仝款真心好意咧共怹祝福。想看覓彼當陣怹猶久吵甲不可開交，現在按呢盡在好。雖然我猶是孤單一个，唉......「無名同學？」有人磕咧我的肩胛頭，我誠奇怪啥人會插我，隨時越頭轉來。我看見伊，疼，疼就是重得幸福的彼人。伊的長頭毛佇日頭下閃現金光。彼時，一首詩歌對我心內響起：
你的傷猶久佇咧，
不過你用受害者的身份，已經有赦免犯人一切的罪，
因為你是遐呢謙遜善良，這个善良是你的光。
所以，你才通做伙進前行，
牽起同伴的手，向望得醫好彼工。
我才咧思考的彼个查某囡仔雄雄出現予我掣一下，「請問有啥物代誌？」，我拚性命假出一个冷靜的表情。疼講：「老師頂禮拜上課捌講過一个寫生作業，這是你彼份材料。」啥矣，干焦是按呢......毋是噢，我真正無失望。閣較媠嘛是別人的女朋友，我哪可能動啥歪腦筋，哈哈，唉......
2.
我出去揣彼个溪，彼个予我平靜，我感覺屬佇我的所在。毋久就算我到遮，我嘛無法度畫落來、保存這片美麗的景緻。這需要才能，需要特色，需要堅持佮拍拚，需要不斷精進的慾望，不過我一項都無。「每一个人，性命內攏有彼箍屬佇伊的金幣，」我擋袂牢唸出捌讀過的台詞，
「彼就是講，我毋是人嘛？」
彼个時陣，我看見阮班內第二媠个美人（至少佇我看起來），痛，已經佇遮矣（順紲講一句，第一名是疼）。伊細力擲石頭落溪內，注目咧水面，我感覺我親像行入佗一个畫的世界仝款。
伊講：「我伸手，轉來我捌有的故鄉。我想對起頭開始踏出去，閣一擺試看，彼種關係，互相涉入別人的性命內的干涉。我捌佇遮予反背，我向望做伙活咧的人，伸手共我捒開。罪過共阮兩人的過去縛咧，我毋是毋願赦免，只是驚惶：我干焦賰這个矣，我佇世間人中最後的干涉：我已經無厝內人，同伴，朋友矣，若無這款否定性的關係，我只是所有人的過路人。若無犯罪佮被害的關係，我會予所有人放袂記。」
我聽了伊講的遮个話，加添進前淡薄仔淡薄仔聽過的消息，感覺所有鬥片攏聚全矣。我現在已經知影痛捌一擺受反背，被無辜定罪，對故鄉，阮捌有的規个世界予趕出去；不過：伊現在轉來矣。雖然我根本毋認捌伊，毋久我臆：痛，一定是......（是講按呢佇心內偷喝美少女的名敢是予人起毛真䆀......）我想，我現在有應該對伊講个話。
我應答伊講：「去賣你一切的財產；若是故鄉，感情，干涉，任何窒礙你去追揣幸福的，著放捒一切，這一定毋是重新開始，因為咱攏有仝一个心意：無論咱敢有感受著無，咱已經有互相涉入別人的性命內。伊毋是你獨一的一个；親像你嘛毋是伊獨一的一个：就算你現在對伊也咧疼也咧恨，也咧仁愛也咧敵對。著赦免：你毋需要執守伊，親像伊毋需要執守你，著袂記後面，追逐頭前。恁捌有的積聚袂對按呢無去，恁貴重的追念對按呢反轉愈堅固。你赦免伊，你㧒落伊，對按呢你會有百倍的氣力去疼，去好款待紲落來拄著的真濟人。」
「呃！你是啥人？」痛突然發覺了我的存在。「我......，其實我是你的一个同學，毋久你毋認捌我嘛正常。」我講這句話的時感覺心咧滴血。果然，就算定定佮家己講愛接受事實，美少女毋熟似我，彼種「明明仝一班」的感覺猶是無好過。「失禮。」「為啥物你欲共我會失禮，應該是我共你驚著......」「因為明明是仝一个班的，我竟然毋熟似你。誠失禮。」莫按呢，你愈失禮我愈艱苦。過一段時間痛平靜落來以後，雄雄想起拄才我講的話，對我大聲喝：「才毋著。你掠準講你有啥物權威教示人！」
然後提細石頭抌我，「走，你予我走！」彼時我想，明明氣甲提石頭共我擲，煞專工攏抾細的。痛真正足古錐矣，彼个氣怫怫的身姿佇日頭下閃現光耀。
3.
我現在想想，感覺咧欲後悔矣。
若是彼時我討好伊，講一寡別人愛聽的，無定著我已經袂按呢躊躇毋前的活咧，無的確我會揣著伊做我通分享憢疑、烏暗、悲傷的同伴，不過......
果然我袂用得恬咧看爾爾，我相信一定是獻出性命重開始以後，才通得著真正的幸福。我想欲對遮開始我贖罪的第一步。我，是罪人，對按呢天使彼時才會離開我身邊......我無這款想法。我袂會認為刑罰，一定是因為罪過。
我出世時，有看見天使；
彼一工，我失去伊。
自細漢，有一个天使直直陪佇我身邊。伊教示我做逐項應該做的好事，拄著動搖奇怪的時陣，攏總伊會用歌聲引導我；聽趁伊的話，我毋捌受過傷，總是得著好處。我一直掠準講這款安心直直會繼續落去。煞有一工，天使離開矣。我是罪人，所以受著處罰......袂會是按呢。不過對彼時開始，我直直在佇仝一个所在著觸：我毋知前頭會按怎，我毋敢行倚前矣。所以我藏佇角頭，用嫉妒佮誹謗的眼神看每一个幸福的人：我其實攏知影怹嘛是擔過不安，佇驚惶的重壓下行到今仔日。我煞直直覕佇角頭。我，是一个罪人，毋是因為我毋去做好事無幫贊人，卻是因為我行袂出家己的世界，我用好報賞共家己的世界圍起來，無氣力無忍耐真正去面對別人。
彼時，我看著彼个囡仔，閣來到這个溪水邊。痛閣來到這个溪水邊。面容親像大受氣款咧紅記記，頭犁犁，一步一步重重踏咧向遮行來。我哪想著伊嘛遮佮意這溪水，會佇遮閣拄著。我猶未想過拄著伊我應該講啥。痛就按呢停咧佇一跤步通伐過的對岸，注目看我。佇我無細膩予伊眼神中的能力吸引去時，聽見伊有對我大聲喝：
「請你佮我，
成做朋友好無？」



註：除了電腦毋支援、拍袂出來的字，[in1]寫做「怹」，[tshua7]寫做「導」，其它攏遵趁教育部台語用字寫成。（除非寫毋著......）

每一个人（lang5）攏通做啥人（siann2-lang5）兮牧者

「每一个人（lang5）攏通做啥人（siann2-lang5）兮牧者」。佇一遍一遍對話，議論，交往中，阮予故事兮創造者引導（in2-tshua7）到仝（kang5）一个結論，阮兮心嘛咧螢幕上，咧（leh4）祝福失迷復（koh4）前行，彼寡（hit4-kua2）阮看見怹（in1）兮骨力佮決心兮人（lang5）。 
吶（ne2），汝啥物（siann2-mih8）時陣才（tsiah4）欲（beh4）骨力，才（tsiah4）欲（beh4）向前行咧（leh4）？我一遍復（koh4）一遍問過家己（ka1-ki7）。
吶（ne2），我啥物（siann2-mih8）時陣才（tsiah4）通做家己（ka1-ki7）故事兮創造者咧（leh4）？抑是講這个（tsit4-e5）哲學兮詞，「自由」。「自由」就佇阮內貯（lai7-te2），佇阮伸手磕會著兮所在。我有時陣愛欲（ai3-beh4）放捨（pang3-sak4）一切，對恐驚佮怨妒中得著解脫。既然空想會出來，阮嘛應該通做到（kau3），抑無阮數想（siau3-siunn7）袂（bue7）到（kau3）才（tsiah4）著。
然後，我伸手......
雨，猶是（ia2-si7）繼續直直落。
皆个（kui1-e5）世界攏澹漉漉（tam5-lok-lok），就算是彼寡（hit4-kua2）上幸福兮人（lang5），嘛是按生（an2-ne1）。無定著，根本就無啥物（siann2-mih8）上幸福兮人（lang5）。皆个（kui1-e5）世界攏咧（leh4）落雨，阮，「親像羊無牧者，困苦，無人（lang5）照顧」。
係矣，是對按生（an2-ne1），阮袂（bue7）用得（eng7-tit4）共任何人（lang5），就算是佮阮偌生（gua7-nih8）親對阮偌生（gua7-nih8）重要兮人（lang5），當做阮兮牧者，因為這世間無佗（to2）一个人（lang5）毋失迷，阮攏是需要人（lang5）引導（in2-tshua7）兮羊。無阮兮朋友通擔阮所向望兮堅固佮忠實，阮家己嘛擔袂（bue7）起這（tsit4）重擔。所以，復（koh4）會當（e7-tang3）綴啥人（siann2-lang5）？「毋通稱呼人（lang5）做『老師』」，因為阮攏是相欠債；「毋通予人（lang5）稱做『教師』」，因為是別人（pat8-lang5）兮痛疼（thang3-thiann3）共疼心（thiann3-sim1）兮油賣阮，予阮通有真正兮朋友，予阮點起人生導路（tshua7-loo7）兮燈，予阮通平安向望啥人（siann2-lang5）會憐憫阮。
好兮牧者，肯定實實在在是一隻羊。

故鄉兮天

轉來我無偌熟兮所在，轉來，我兮故鄉
看仝款兮天，仝款，雲毋知影散去佗
是為著啥我才離開，我問，穹蒼穹蒼用伊兮袂改變回答我 穹蒼用伊袂散去兮保護佮照光回答我