躊躇

你共阮安貼佇田園中，叫阮著種作阮的世界。

偌仔呢開闊，偌仔呢媠。是你拍開阮的目珠，予阮會當看著干焦看近近是袂見得的一切。毋過，你佇佗位？

我共家己關佇心內，嘛看你袂著；我欲爬（peh4）去天頂，你煞仝款無佇遐。

我想欲共你掠牢，共你隱密佇我寶貴的所在，予我安心。你，是阮性命的意義。

真濟人為著揣求你不時咧思考，真濟人已經共目標認定，好拚性命去拍拚。我疼怹，我看著怹成功嘛仝款鬥歡喜；我有看著，我有感受著怹予我性命的活力。不過煞定定感覺我嘛需要一種物件，予我佇這繼續踅踏落去的每一工，會當有掖落種子的勇氣，會當得著等待收成的向望。

予我力量，共阮的思念細膩藏佇你心中。世界就會成長大漢，一直到伊結實，圓滿。