歹開喙

　　我直直想欲講話，向望有一日，有人會對我講的內容有興趣，閣應我。但是我開喙，通得著淡薄仔回應；嘛無人會主動對我講啥物。「其實，別人嘛無理由一定欲應你啊！你著去臆怹對啥物有興趣，注意觀察。談論一寡較趣味的話題。」一個朋友定定按呢苦勸我。結果，到今我嘛改變袂來。

　　阮是毋是生成欠啥物？當我少年的時，我嘛親像青春的鷹鳥，對頂面揣求同伴，佇開闊的穹蒼中四界踅輾。但是我老矣；我忝矣。有人的拒絕予我受傷，有人的白賊刺傷我。我無力閣再飛，對天頂墜落來。我閣會當去佗位？「好停啊。」

　　「想欲聽你的聲。希望有啥人主動來佮我講話……」我偌濟擺按呢想。但是我干焦會當家己來。因為無論我按怎照鏡，我所看著的攏袂當替我活。