主矣，你捌我兮意念，
知影啥物是我喙焦數念。
我失去暗靜所戀慕兮人，
疼我兮人，嘛離開我。
我兮瑕疵你完全知，
求你佮我做伴，
用你面兮光鍛鍊我兮缺點。
求你予我走標得勝，
求你賜予我勝利者兮冕旒。
你為我送一个人來，
然後就予伊走矣。
但是有一條光照入來，
我猶會記得相磕兮溫暖。
到今我猶原毋知，為啥物我會佇彼時陣拄著伊，佮阮兮相捌有啥物意義。我現在猶是按呢；我嘛無捌復再見著伊。只不過有當陣會想起伊，想起彼短短兮幾分鐘，伊所予我兮溫柔。
我偌仔呢想欲行進前，
共你兮手牽起來。
予我佇葉仔飄散兮歲壽，
猶原有春天兮向望。
佇我路前有大陷坑，
伊無來搜揣，
嘛無引誘；
我已經墜落去。
佇烏暗兮所在，
我沉佇死蔭中；
有一條光射入來：
予我兮心艱苦。
著醒起來，因為：
我兮心看著貧惰來刺鑿，
我兮目睭受荏懶刺傷；
予我兮佮恁兮。
咱兮感覺親像冬天兮種子，
咱兮心意親像毋順趁季節兮渡鳥。
著鋪一條平直兮路，
共所有兮路修予平坦。
因為伊就欲來矣！
著將砂石摒清氣
深深掘落石頭地
予田園做田園
出產米糧佮飯
煮成麥仔佮麵包
伊佇路中期待
我佇雙叉口向望
著醒起來，
著注意，
著相提醒！
日頭咧欲到，
春天已經來矣！
台灣國語版：
要鋪一條平直的路，
把所有的路修到平坦。
因為他就要來了！
要將砂石清乾淨
深深挖鬆石頭地
讓田園是田園
出產米糧和飯
煮成麥子和麵包
他在路上期待
我在交叉口盼望
要醒過來，
要注意，
要互相提醒！
太陽就要到，
春天已經來了！
