無路

我佇人的中間受咒詛，
追放到野獸吼的所在。
刺帕共我纏-咧，
我強欲袂喘氣，
對佇我日頭光受遮崁。

光頭白日我受嚇驚，
我擘腹，失志，閣失膽；
煞捆縛家己佇烏暗中。
跤鏈銬-咧，我袂行路，
我汰猶咧欣羨地的極頭？
天邊有鳥仔飛-來引誘我，
敨放自由是折磨我的夢。

無題

你的目睭若親像雹，
我的心嘛冷寒做冰。
但是我偌仔呢希望有人予你溶-去，
予你的心作春天的塗；
毋是我的佗落一个。