吶，汝感覺無論創什麼，是毋是已經攏沒錄用啊？儂，攏已經死矣。
毋過我煞感覺抑會當向望什麼，就算什麼攏已經做毋會著矣，至少咱儂猶會當查看覓，祈禱兮方向；向望許猶有，對死者及活人共款溫柔，予咱儂力量踏上未來兮光。
光，這是汝兮名；今馬兮汝，已經過身去兮汝，應該已經知影放捨家己兮性命，毋論是因為什麼理由，是無可能變成什儂兮光矣。光，我偌生想佇汝卻活兮兮時陣，喝汝這兮名，看著汝回答我，回答彼寡汝宣稱汝愛兮，煞自私格家己一個人逃走兮，許濟美麗兮花。
吶，若是真正愛，就勿愛放捨伊儂；若是真正愛，就勿愛放捨汝家己。
因為汝我才知影，我所討厭兮，就是我所驚惶兮，就是我所向望兮。我看著矣許濟人，因為汝兮存在，汝行落去伊儂兮性命裡貯，所以變格許生兮痞，抑卻是許生兮好。我頭一回，也想卜及什儂做夥，做我會當做兮，煞毋是佇安全兮所在恬恬兮看，恬恬兮討厭逐兮。
逐兮，這個講法予我痞勢，予我歡喜。因為汝捌佇我身軀邊，予我力量行出這跤步，予我有敢去愛哪個儂兮力量。我有所愛兮儂矣，伊接受我兮感情，我接受伊兮感情，因為汝捌佇咱儂兮後壁，替咱儂煩惱，替咱儂拍算。我及汝約束，我及伊會加上汝兮彼份，變格幸福，幸福，愈來愈幸福，
一直，一直。
本
著作係採用
創用 CC 姓名標示-相同方式分享 3.0 台灣 授權條款授權.
活兮，是看毋著兮時間共我儂飼奶，
活兮，是看毋著兮時間，一點點兮飲我儂兮血，
是流皆土跤兮儂互相摒血，是艱苦兮儂增益艱苦，
日頭佇許懸兮所在，
我儂舉頭看，我儂講：
「佇偌濟兮光裡，我儂卻見著光？」
本
著作係採用
創用 CC 姓名標示-相同方式分享 3.0 台灣 授權條款授權.
上行兮歌
我，圍佇這兮攢福塔，踅獨樂
卜查這兮梯層，卜上行
卜格天頂，去咱兮親族兮所在
去，咱兮眠夢
我今馬才知影，知
眠夢，及清醒你攏卻佇
佇夢裡共我叫醒
佇這兮世界，叫咱上行
天神佇門跤口等我，「轉去，
對門入來，門乾焦一個，」
門頂懸寫「死無」，
我講：「是什麼，會予土跤兮儂
希望，會當解決地上兮問題，會當
拍開轉來天頂兮路途？
敢有什麼方法，除了
死，除了
落地，死，做一粒種
為著別儂及，家己猶看無兮收成，
對家己兮性命走出來」
本
著作係採用
創用 CC 姓名標示-相同方式分享 3.0 台灣 授權條款授權.
細膩行
佇許濟，看毋會著兮所在，咱兮儂—
就算，佇在踏差兮所在走查，醉去—
拍摒若濟年，過去，伸
一大堆汗而
請保護，咱兮拍摒，咱兮—
我共上主祈禱，祈禱講—
勿愛親雲散，像火燒過兮灰，
勿愛毋知哪位倘轉，勿愛
轉去毋知影兮哪位
本
著作係採用
創用 CC 姓名標示-相同方式分享 3.0 台灣 授權條款授權.
風吹石
是什儂按生無細膩，予心
竟然變做一塊石頭，小心逗逗兮講：
「愛」，一兮字，對兮猶磕毋會著兮物件，所以，
伊磕會著兮所在，煞像風密過
你，是你
共家己變做一陣風，因為
許生溫馴兮你，卜格每一兮儂兮身邊去。
本
著作係採用
創用 CC 姓名標示-相同方式分享 3.0 台灣 授權條款授權.
伊出手磕下「無」
水對一句話出現
一個力量創造皆兮世界
伊出手磕下「有」
「有」攏逃走，講：
「我做好載誌就好，
宗教會當信，毋會當傷迷」
越頭，去查風水師及算命先
乾焦伊有法度倚靠
乾焦伊，水攢好矣
予許向望對真實來活兮人
予「有」會當有永遠兮清氣
本
著作係採用
創用 CC 姓名標示-相同方式分享 3.0 台灣 授權條款授權.
